إزاي بتشتغل المنصة

1. التسجيل

رقم موبايلك وكود على واتساب، واسم نشاطك ونوعه ومحافظتك. مفيش مستندات. تاجر الجملة بيشوف سعر الكرتونة على طول، والمصنع بيتفعّل أول ما فريق كعب ينشر أول موديل ليه، خلال 24 ساعة من إرساله.

2. الطلب

1. التاجر بيختار اللون وعدد الكراتين، والطلبية بتتجمع حسب المصنع.
2. كل موديل ليه أقل عدد كراتين. لو سطر أقل منه، الطلب من المصنع ده بس بيستنى لحد ما تكمّله.
3. لو السعر اتغير بعد ما الموديل اتضاف للطلبية، السعر القديم والجديد بيظهروا ولازم التاجر يوافق قبل ما يطلب.
4. كل مصنع بيأكد طلبه لوحده ويحدد ميعاد التجهيز، أو يعتذر بسبب، والكمية بترجع المخزون.
5. التاجر يقدر يلغي الطلب لحد ما المصنع يأكده.

3. الدفع والآجل

طرق الدفع: كاش عند الاستلام، أو تحويل بنكي وإنستاباي، أو آجل. كل مصنع بيحدد الطرق اللي بيقبلها.

• سعر الآجل

  المصنع بيحط سعر آجل لكل لون، أكبر من سعر الكاش أو يساويه. لون من غير سعر آجل بيتطلب كاش أو تحويل بس.

• حد الآجل

  الطلب الآجل بيتخصم من حد الآجل بتاع التاجر. لو الطلب اتلغى أو اترد له مبلغ، الفرق بيرجع للحد.

• السعر ثابت في الطلب

  الطلب بيسجّل سعر الكرتونة اللي اتطلب بيه، حتى لو المصنع غيّر السعر بعدين.

4. التجهيز والشحن

كل مصنع بيكتب مناطق التوصيل ومدة التجهيز. لما يأكد الطلب بيحدد ميعاد التجهيز، ولما يشحن بيكتب شركة الشحن ورقم البوليصة. التاجر بيأكد الاستلام من صفحة الطلب.

5. المطالبات

• أسباب المطالبة: عيب صناعة، نقص في العدد، مقاسات مش زي النسبة، مختلف عن الصور، تأخير في الشحن.
• المطالبة بتتفتح من صفحة الطلب بعد الشحن، ولحد 7 أيام من الاستلام. التأخير بيتفتح لو ميعاد التجهيز عدّى.
• المصنع بيرد، وفريق كعب بيحكم خلال 24 ساعة: استرداد للتاجر، المصنع يبدّل على حسابه، تقسيم الخسارة، رفض · لصالح المصنع.
• على الآجل، المبلغ اللي بيرجع للتاجر بيتخصم من اللي عليه.

6. الخصوصية

حجم إنتاج المصنع ونوع عملائه مش بيظهروا لأي حد. أسعار الجملة لتجار الجملة المسجّلين بس. سياسة الخصوصية